الأحد، 18 يوليو 2010

طريقة عمل الكيكة الاسفنجية بالصور

طريقة عمل الكيكة الاسفنجية بالصور





مسا الخير يا حوائيات
اليوم جايبتلكم طريقة كيكة اسفنجية بتحدى اي وحدة ما تزبط معها
انا الكيك العادي ما بزبط معي بس هاي الكيكة والله من اول مرة زبطت ما شاء الله
بس اتبعي التعليمات بالحرف وان شاء الله رايح يطلع معك احلى كيكة
نيجي للمقادير رقم 1

5 صفار بيض
بكيت فانيلا
برش حامض
كاسة سكر ناعم
تلات ارباع كاسة مي
نص كاسة زيت
كاستين طحين وممكن تحطي كاستين الا ربع
بكيت بكنج باودر
انا استعملت طحين الكيك كاسة وحدة
والباقي طحين عادي عشان هيك حطيت بكنج باودربكيت واحد


صبايا ما تستغربو انه الكيكة الاسفنجية هاي فيها زيت صدقوني
من جوه ناعمة كتير وطرية وكل اللي داقها حكالي اطيب من الجاهزة


المقادير رقم 2
بياض 5 بيضات
عصير حامض معلقة كبيرة
بكيت فانيلا
نص كاسة سكر ناعم
رشة ملح
بنيجي للمقادير رقم 1
بنخفق صفار البيض منيح لحد ما يفتح لونه
وبنحط معه السكر والفانيلا وبنخلط بالخلاط 5 دقائق
وبعديها بنحط الزيت والمي
بنحط الطحين بعد ما نكون نخلناه 3 مرات مع البكنج باودر
بنحطه على خليط البيض على دفعات وبنحرك بالسباتولا
ضروري مو بمعلقة تانية



هاي صورة المقادير




هون الصفار مع الفانيلا قبل ما نخفقه




هون بعد ما بلشنا نخفقه مع السكر
شوفو كيف كان لون الصفار غامق



هون بعد ما ضفنا الزيت والمي




هون بس خلصنا شوفو كيف لون الصفار فاااااااااتح

هلأ بنيجي للبياض
بنخفقه منيح لحد ما يصير مرنج
بنحطله رشة ملح طبعا وبكيت فانيلا
وبس ينفش منيح ونخلص بنحطله معلقة الحامض
ضروروي بس ينفش لانه لو حطيناه من الاول بخرب البياض
كمان بدي احكي ملاحظة انه لازم نخفق البياض اخر اشي
ليش لانه لو خفقناه بالاول يمكن يهبط معنا
كمان الصحن اللي بخفق البياض في لازم يكون ناشف
وما فيه ولا نقطة مي لانه اي نقطة مي بتخربه
كمان الخفاقة اللي بنخفق فيها البياض لازم تكون مغسولة وناشفة منيح
لانه اي نقطة صفار بتخربه







هون بس خلصنا من البياض

هلأ بدنا نخلط البياض من خليط الصفار
بنحط البياض على الصفار على دفعات يعني مرتين تلاتة
واخر مرة لازم تكون الكمية كبيرة ضروري

هناك تعليقان (2):