الجمعة، 27 أغسطس 2010

طريقة عمل معجنات بالدجاج والخضار

طريقة عمل معجنات بالدجاج والخضار
اليوم سويت معجنات على طريق الشيف منال العالم بس العجينه جنااااااااان مقاديرها ما تجتاج زياده ولا نقصاان

وجنبها شوربه ششبرك وتبوله


مقادير العجينه :

3 كوب دقيق
1ملعقة كبيرةخميرة ناعمة
1ملعقة صغيرة بيكنج باودر
3ملعقة كبيرة سكر
3ملعقة كبيرةحليب مجفف
1ملعقة صغيرة ملح
1/4كوب زيت ذرة
1كوب ماء دافىء جدا

لا تزيدي ولا تنقصي شي اخلطي المقادير الجافه اول بعدين حطي الزيت وافركي شويه وبعده المويه واعجنيها بعدين ادهني العجينه بالزيت وحطيها بزبديه وغطيها بالنايلون ودخليها الفرن (من غير نار ولا شي بس كدا) لانه دافي بتخمر العجينه بسرعه اتركيها ساعه تقريبا او عبال ما تجهزي الخلطه


مقادير الخلطه:

2 صدر دجاج مربعات
1بصل مفروم ناعم
1فلفل رومي مفروم ناعم
1جزر مبشور ناعم
ملح-فلفل-كمون-شطه حاره حسب الرغبه

طبعا اول شي البصل ع النار بعدين فوقه الدجاج وقلبي دقيقه بعدين الجزر وقلبيه دقيقه وبعدين الفلفل وقلبيه وحطي البهارات وتكون جاهزه ان شاء الله




خرجي العجينه بتكون خمرت خلاص



وخدي نصها افرديه وقطعيه دوائر بكاسه او قطاعه اي شي وحطي الخلطه في النص واطبقيها بالنصر وسكري الطرف كويس عشان ما تفتح وقت الخبز





دهني الصينيه زيت ورصيهم



ادهني وجه الفطائر بالبيض ورشي فوق حبه بركه- سماق الا عندك للزينه بس وممكن ما تحطي شي بس البيض عشان يعطي حماار لوجه الفطائر



واخبزيها اول من تحت لمن يحمر ولعي من فوق و خليكي جنب الفرن وهادي النتيجه




دحين الششبرك وهيا اكله بخاريه عجينه ومحشيه مفروم وتتعمل زي الهلال
انا اشتريها جاهزه




طريقه الشوربه:تكشني بصل وثوم بالزيت يكون مطحون ناعم وبعدين تعصري طماطم وتحطيها عليه مع معجون طماطم وبعدين صبي المويه الحاره وخليها تغلي دقيقه وبعد كدا تحطي حبات الششبرك عليها وتحطي ملح وفلفل <<<بهارات وخليها تغلي عشره دقايق ولمن تخلص افرمي كزبره ناعم وحطيها عليها وبالهنا والعافيه

undefined

والتبوله عارفين طريقتها طبعا

ليست هناك تعليقات:

إرسال تعليق